Ye Dost bhi bade ajeeb hote hai, Ek dusre ko khone |

Ye Dost bhi bade ajeeb hote hai, Ek dusre ko khone se darte hai, Aur ek dusre ko pareshan kiye bina reh bhi nahi sakhte.... Ye Dost bhi bade ajeeb hote hai, Chahe saath me ho ya long distance ke ho, Saath kahi na kahi se nibha hi lete hai.... Ye Dost bhi bade ajeeb hote hai, Galiyan dete hai, maarte hai, Par kisi aur ko haath bhi nahi lagane dete hai.... Ye Dost bhi bade ajeeb hote hai, Har baat pe party mangte hai, Na do toh taano maarte hai.... Ye Dost bhi bade ajeeb hote hai, Kitaab aur Kalam ke tarah hote hai, Ek dusre ke bin adhure hote hai.... Ye Dost bhi bade ajeeb hote hai, Yaari Dil se nibhate hai, Khushiyon ke aasoun laate hai, Aur bewaqt bus hasate hi rehte hai.... Ye Dost bhi bade ajeeb hote hai, Ruthte nahi pal bhar me maan jaate hai, Galti karo toh sahi raste ke liye samjhate hai.... Ye Dost bhi bade ajeeb hote hai, Inn par jitna bhi likho hamesha Kam hi lagta hai, Ye woh log hai jinpe likhne ke liye Alfaaz bhi Kam padhta hai... - A.K