#pal PAL Ik pal mein jo dhaaga baandha thha... | हिंदी Video

#pal

PAL

Ik pal mein jo dhaaga baandha thha...
teeje mein kheencha... Tod diya...
dooje pal nanha aaya thha...
pal jayega keh ke chhod diya...

Vo pal do pal mein bada hua...
pal gaya vo uthke khada hua...
pal bhoola nahin vo bachpan ke...
dadi ke ghar thha chhod diya...

us pal ko kos raha thha vo...
Jis pal mein duniya mein aaya tha...
Pal mein aate aur jaate thhe...
puchkara aur phir chhod diya...

do pal mein ab do papa thhe...
teeje pal mein do mummy thhi...
Chauthe pal ko chautha bhi hua...
Papa ne thha dum tod diya...

pal mein jhagda pal mein bigda...
Nadaan jo thhe pal guzar gaye...
Pal mein tode thhe khilone bhi...
Katton se thha naata jod liya...

Beete pal mein jo kutta thha...
Is pal mein wo galiyon ka raja thha...
pal pal mein game bajata thha...
Jo ji chaha wo fod diya...

Is pal mein bas ik maa thhi bachi...
Jis pal wo chhupta chhupata thha...
Pal mein Goli thhi paar hui...
Nanha saanson ko chhod gaya...

Royi us pal wo kaanp ke...
jis pal thha nanha laash hua...
Us pal ko kos rahi ab wo...
Jis pal thha usko chhod diya....

Ik pal mein jo dhaaga baandha thha...
teeje mein kheencha... Tod diya...
dooje pal nanha aaya thha...
pal jayega keh ke chhod diya...

People who shared love close

More like this