Nojoto: Largest Storytelling Platform
Download Nojoto

Install App Get upto ₹ 100 Cash

praveenkumar5619
  • 51Stories
  • 244Followers
  • 568Love
    3.9KViews

Praveen Kumar

A primary school teacher by profession and has interest in writing poetry,lyrics.

https://www.youtube.com/channel/UC76CnSHylYpvYNiF230MyZw

  • Popular
  • Latest
  • Repost
  • Video
26fae4222e78985acc853c229924823a

Praveen Kumar

#MakarSankranti2021

#MakarSankranti2021 #विचार

47 Views

26fae4222e78985acc853c229924823a

Praveen Kumar

सच गलाणा मुंड कटाणा झूठ गलाणा नक्क बडाणा कुस दैं पास्से जान देणी चुप हि रैह्णा घट्ट गलाणा जे बणी के हि छेल्लू रैह्णा माऊ भी कुथु तक बचाणा दिले नै लोक लगाई लैंदे छड्ड बगाना थोब्बड़ फलाणा जींदे-मरदे खरे हन सब छड्ड टैंशना दे मराणा तेरी भी अपणी कीमत है अपणिया फसदिया अप्पु कल़ाणा तां हि मिट्ठा नि है 'प्रवीण' माक्खियां ते किय्यां पिच्छा छडाणा

#कविता

9 Love

26fae4222e78985acc853c229924823a

Praveen Kumar

नोए जमाने दे नोए रंग प्हाड़िये रैह्ंदे मस्त-मलंग खर्चे करदे घट्टो-घट्ट नोट्टां जो लगदा जंग प्हाड़ी बोलदे तोत्तयां सांईं अंग्रेजिया बिच हत्थ तंग चाई पींदे जिय्यां शराब असां नि खांदे पींदे भंग शरीफचारी मती भारी दुनिया ताईं ता रैह्ंदी दंग फौज्जां बिच पहाड़ी फौजी जित्ती लैंद्दे हरेक जंग दुनिया बिच हिमाचले दा सबनां ते हि बखरा ढंग

#कविता

8 Love

26fae4222e78985acc853c229924823a

Praveen Kumar

Our subconscious mind is stronger than our concious mind #reading

#reading #विचार

7 Love

26fae4222e78985acc853c229924823a

Praveen Kumar

दस्सा क्या गलाणा चाह्ंदे मिंजो क्या समझाणा चाह्ंदे मैं माह्णु मिट्टिया दा हत्थां कजो गवाणा चाह्ंदे मसैं-मसैं मैं हसणा सिक्खया रोणा कजो सखाणा चाह्ंदे इस दरख्तैं कीड़ा नि लगदा तां जड़ां जो तेल लाणा चाह्ंदे मेरेयां चिण्यां छप्परां जो लत मारी के ढाह्णा चाह्ंदे पिट्ठी घेरी अप्पु बैट्ठे बचारे भिरि कळाणा चाह्ंदे मैं पचणा नि छड्डा तुसां कजो मिंजो खाणा चाह्ंदे मेरा भुइय्यां बछाण कित्ता मिंजो ते हि सराह्णा चाहंदे कलमा मत रोकदा प्रवीण कुछ लोक तिज्जो गिराणा चाह्ंदे

#कविता

10 Love

26fae4222e78985acc853c229924823a

Praveen Kumar

भोऐं कुसी जो पा वोट अप्पु पोणे कमाणा रोट असां जो सैह् हि सुथणु कुर्तु तिन्हां दे हिस्सैं मैंह्गे कोट जिन्हां जो भारी जिम्मेवारी तिन्हां दे पैरां बड्डे बोट हुण नि माह्णु कच्चे घड़े गुरुआं दी नि सैह्ंदे चोट सबनां जो धमका करादे उञा तिन्हां दे भर्यो लंगोट वकील-डाक्टर,नशे-पत्ते बिकवांई दिंदे घरां दे सलोट कारज पूरे होणे जो औंदे ताल्लु हि कैंः जांद्दी त्रोट इय्यां पूजदे लछ्मिया जो पैरां च जांदे रोळी नोट ना मैं खरा ना तू खरा सबनां दिया नीत्ता खोट

10 Love

26fae4222e78985acc853c229924823a

Praveen Kumar

वे जो मुझे हारता देखना चाहते हैं मेरी काबिलियत तो वही पहचानते हैं मेरी खामियां ढूंढ-ढूंढ सबको बताते हैं भले खुद दर बदर की खाक छानते हैं तुड़वा कर हौसला मैं फिर खड़ा हो गया मिटा चुके हैं मुझे ऐसी डींगे हांकते हैं मैं वार न करूंगा पर गुरुर तोड़ दूंगा धोखे में हैं वो मुझे कम आंकते हैं खा-खाकर ठोकरें मैं चमकता ही रहूंगा प्रवीण शब्द का मतलब सब कहां जानते हैं

7 Love

26fae4222e78985acc853c229924823a

Praveen Kumar

इक गल्ल है-बंदे जो जाल्लू भी नानी याद औंदी सै हाइबो अम्मा ही गलांदा🤣🤣🤣🤣🤣

10 Love

26fae4222e78985acc853c229924823a

Praveen Kumar

पेट्टे जो है पाळदा खीस्सा पैसेयां जो संभाळदा खीस्सा राशन-पाणी पूरे करांदा घरे च चूल्हीं बाळदा खीस्सा बेरोजगारी जे फैल्ले तां कम्मे जो है भाळदा खीस्सा डाक्टरां वकीलां नै भा पोऐं धन-दौलतां उछाळदा खीस्सा नशे-पत्ते च जे कोई फसैं घरां मकानां खाळदा खीस्सा जे मैह्नता कनैं किस्मत मिळैं गरीबिया ते ठाळदा खीस्सा जे हैसियता पर गल्ल ओऐं तां अमीरां गरीबां ताळदा खीस्सा जे नोट्टां च कोई खेल्लैं प्रवीण्णा तां मतेयां दिलां जाळदा खीस्सा

#कविता

8 Love

26fae4222e78985acc853c229924823a

Praveen Kumar

हत्थ साफ कनैं कम्म गंदे शरीफ दुःसदे बेशर्म‌‌‌ बंदे अप्पू झूटदे सून पंगुड़ुआं दुनिया तांई कंटीले फंदे उञा बूट्टेयां जो सेड़ा दे धरती हेठ चलायो रंदे इय्यां करादे घूसखोरी गुजारे पिच्छि चाइदे चंदे लोक मर्ण या जींद्दे रैण चलेयो इनांदे काळे धंदे फर्क इन्हां जो पौंद्दा नि भौऐं करी नै दिक्खा छंदे उजाड़दे फिरयो देस्से जो भगवानै कजो लेई अंदे प्रवीण तेरे बोल नि जचणे बचार सच्चे पर लगणे मंदे

#कविता

8 Love

loader
Home
Explore
Events
Notification
Profile