Best हिंदी samachar Stories

..Meri zindagi me pyaar bhi hai..
Maa ki mamta, papa ki fatkaar bhi hai
Doston ka pyar, girlfriend ki takraar bhi hai
Boss ki gaali, colleagues ka aitbaar bhi hai
Banzar zameen to hai hi, bhara- poora bazar bhi hai
Meri zindagi me pyaar bhi hai....
Mandiron ke darshan apaar bhi hai, Khwajao ke saare mazaar bhi hai
Mai sansaar me hu mana, par mujhme ek sansaar bhi hai
Kayi mahano ka aabhar bhi hai, kisi pe kiya maine upkaar bhi hai
Meri zindagi me pyaar bhi hai....
Mujhme bhadakta ek angaar bhi hai, to sheetal jal sa bhaar bhi hai
Mujhme Geeta ka Saar bhi hai,to urdu ka akhbaar bhi hai
Mere kaam kayi naamgaar bhi hai, maine kiye kaam bekar bhi hai
Man nazuk sa naar bhi hai, dil chattanon sa Deewar bhi hai
Meri zindagi mein pyaar bhi hai....
Mujhme ahinsavaadi ek yaar bhi hai, mujhme hinsavaadi vichar bhi hai
Maanavta ka sanchar bhi hai, to amaanavta ka bukhar bhi hai
Ek achchhi khabar to hai hi, dukho ka samachar bhi hai
Bachpan ki meethi goliya bhi hai, dadi ke hathon ka achar bhi hai
Ek masoom sa bachcha betha hai bheetar,
To kisi ka yeh gunahgaar bhi hai
Meri zindagi mein pyaar bhi hai....
Urdu ke shayar to baste hai hi, kuchh filmi sangeetkar bhi hai
Nani ki loriya to hai hi, bachpan me padi jo maar bhi hai
Meri zindagi mein pyaar bhi hai.....
.......Mohd Nasir