Find the Latest Status about ब्वे रॉ from top creators only on Nojoto App. Also find trending photos & videos about, ब्वे रॉ.
Saurabh Raj Sauri
ब्वे की खुद खैरी मा पलस्त हथ खुटी,सुरक बौड़ी की घौर ए जाणा छि -2 घौर मा आंदा ही यो आँखी, हे ब्वे बस त्वेथै ही खोज्याणा छि -2 सुबेर बटी व्यखुनी दां तक, त सब भलु च लगदू पर रुमक दां तेरी खुद,जिकुड़ा मा बौडीकी ए जांदी कखि बि आज ब्याली मेरु ज्यूँ नि लगदू तेरी खुद हे ब्वे मि थै ,यखुला मा छक्वे की रुवै जांदी तेरी खुद मा यनु लगदू ,आज ब्याली यो दिन बि ग्वे लगाणा छि घौर मा आंदा ही यो आँखी, हे ब्वे बस त्वेथै ही खोज्याणा छि कुजणी किलै निन्द मेरी आज ब्याली ,सिंक्वलि बिजी जाणी च-2 मेरी ब्वे घारमा नीच या बात सैत या निन्द बि जाणदी च, यो थकुला गिलास अर सबि भाँडा ,चुप निन्द मा सियाँ राणा छि घौर मा आंदा ही यो आँखी, हे ब्वे बस त्वेथै ही खोज्याणा छि ©Saurabh Raj Sauri ब्वे की खुद💛♥️
Saurabh Raj Sauri
मेरी पसंद ना पसंद हे ब्वे तू सब जणदी छै सच बतौं मि त्वे थै तू मिखू कै भगवान से कम नि छै सभ्यू दगड़ी नातू मेरु भले मोरण तलक ही रौ अगला जन्ममा ब्वे का रुपमा मि बस त्वेही मंगदू छौ मेरा जिकुड़ा की सभी पीड़ा हे ब्वे तू सर पछयणदी छै सच बतौं मि त्वे थै तू मिखू कै भगवान से कम नि छै अफू गीला मा सेई मिथै सूखा मा सिवाली त्वेन म्यारा बाना कुजणी कतगा कतगा खैरी खाई त्वेन आज भी मेरी खैरी मा तू सूरक सूरक आंसू बगांदी छै सच बतौं मि त्वे थै तू मिखू कै भगवान से कम नि छै घौर बटी जब कखि दूर मि जांदू मि थै बस तूही याद औंदी जब भी म्यारा आंख्यू आंसू अंदन मि थै बस तूही याद औंदी हे ब्वे तू ही बस मेरा दुख मा रुंदी अर सुख मा हैंसदी छै सच बतौं मि त्वे थै तू मिखू कै भगवान से कम नि छै Saurabh Raj Sauri माँ के लिए मेरी पहली कविता गढ़वाली मे ♥️♥️♥️♥️♥️♥️♥️♥️♥️♥️♥️ हे ब्वे