Karamveer...... Roz raat ko main yeh sochu, kyun na yeh kaam bacha kal puura kar lungi. Roz subah ho phir main yeh sochu, abhi toh samay hai saara din phir din bhar mein toh kar hi lungi. Jab bhi dopahar ho main neend mein sochu, ab shaam ko toh zarur pehle wala kaam bhi karungi aur aaj wala bhi nipta dungi. Phir se raat hai aayi, maine saare kaamon ko phir kal ke din pe hai tehlayi. Wahin, Humarey sabhi kaam kyun adhoorey reh jatey, aqsar dusare kyun humse aage hain nikal jatey? Kya kabhi maine hai yeh socha, ki yeh aaj phir kal lautne na waala.... Kabhi bhi yeh din,yeh pal,yeh anmol samay, lautke na aane wala..... Aakhir raat ko main sochte huye pachhtayu, ki kyun na kar liye yeh sabhi kaam pehle hi puurey..... Jab hume kaam adhura rakhne ka nateeja hai pata, tab bhi kyun hum nahi samay ko anmol samajhke wahi kaam karte hai puura, kyun nahi hum bann jana chahte hain,aane wale kal ke Karamveer.......🌼 Mere priye doston,samajhlo samay ki anmol ghadi ko, jo ek baar chali gayi,lautke phir na hai aane waali, tum bhi bann jayo ab sachche Karamveer.....🌷💮 ~Ariba. ©Ariba Qamar #Karamveer
