#माझे सरण.... लिहिण्यास गाथा प्रेमाची ती कथा बाकी आहे लिहिले असंख्य रकाने पण तरी खरी व्यथा अजूनही लिहायची बाकी आहे.... होतात पाने काळी सारी लेखनाचीही आवड झाली लिहिले मी उगाचच काही बाही त्यातही बहाणे अजूनही बाकी आहे छंद जडला अतोनात मला तु काय आहे हे वाचण्याचा मन वाचले ना माझे कधीच तू ते वाचायचे तुझे अजूनही बाकी आहे.... धुळ खात पडली ही जिंदगानी माझी असंख्य पुस्तकांसारखी निरुत्साही शरीराचे बघ माझ्या हे कुजणे अजुनही बाकी आहे हैदोस माझ्या मनी माजला वाळवीचा अन् आतून पोकळ झालो मी दिखावा आहे माझा हा वरवरचा त्याचं दुःखमय पावडर होणे अजूनही बाकी आहे.... जात कारागिराची माझी रोज लाकडांसवे खेळतो अन् जळणार एक दिस त्यातच मी फक्त आता मीच माझे माझ्यामुळेच माझ्यातले माझ्यासाठीचे सरण रचणे अजुनही बाकी आहे.... @शब्दवेडा किशोर ©शब्दवेडा किशोर #माझे_सरण
