ہجرٕ برونٹھی لٕج میانین اتھن رمال چأنی یاد چھم پاواں از چانین وادن رمال چأنی کیا ونے الفتکی خزاں اتھ منز چھِ بری بری اوش وتھراونس لٕج مِے چشمن رمال چأنی سوری ژألِتھ فقط مِے چُھم اکھ تمنا دلس سأتھی گژھِ آسٕنی یلہِ کرنم دفن رمال چأنی میانین پھیرن چھا خطا چانِ بستی ہِنز خلبل؟ خأر ! چأنس شہرس انہِ وٕنی امن رمال چأنی ور ، ٹسنہ ، برٕڑی کٕرتھی ژٕ اسنا چھُکھ کران زٕٹ ژے باساں مِے نش چھَ کندن رمال چأنی داود چھُ شکراللّہ پراں امے باپھ رأتی راتس چھِس مشکہِ اطفر زن پوشہِ چمن رمال چأنی __داود ملک ©dawood malik #rumaal #lily #kashmiripoetry #dawn
