नवी पालवी बहर नवा श्रावणात वाहे बेधुंद हवा सुन्या प्रहरी गार गारवा ऋतू नेसला शालू हिरवा वनात फुलले फुल फुलोरे नटुन बसले रान गोजिरे क्षणांत हसरे लाजरे बुजरे धरतीच्या कुशीत हिरवळ पसरे हर्ष मानसी खेळ मांडला श्रावणात घन दिसे निळा सप्तरंगात रंगुनी रंग उधळला रंगीबेरंगी इंद्रधनु नभी झळकला ऊन कोवळे मिरवीत पंखांवरती पाखरांचे थवे आकाशी फिरती कुजबुज ऐकूनी गोड गोड ती मंजुळ स्वर कानात गुंजती झिलमिल झिलमिल सरसर सरी श्रावणात डोलते विश्व अंबरी तुळस हसली लाजली मंजिरी अंगणी माझ्या बरसल्या श्रावणसरी ( अंगणी बरसल्या श्रावणसरी ) ~ विलास भोईर अंगणी बरसल्या श्रावणसरी #citysunset
