ഞാൻ പുഞ്ചിരി ചേർത്ത മുഖം എന്റെ അമ്മയുടേതാണ്, അതിന്റെ എത്രയോ ഇരട്ടി തിരിച്ചും. അച്ഛന്റെ വിടവാങ്ങൽ തളർത്തിയ ആ അമ്മ മനസ്സ് എനിക്കൊപ്പം എന്നും ഉണ്ടായിരുന്നു. അച്ഛനു വേണ്ടി ഞാൻ എഴുതിയ ഓരോ വരികളും ആ മുഖത്തു പുഞ്ചിരി എഴുതി, തുടർന്ന് എഴുതിയതൊക്കെയും. വായിക്കപ്പെട്ട വരികൾ അനുഭവത്തിന്റെ നുറുങ്ങുകൾ ആയിരുന്നു. അത് ചിരിയിലേറെ കണ്ണീരും ഏറ്റു വാങ്ങിയിട്ടുണ്ട്. നിമിഷങ്ങളിലേക്കെങ്കിലും എഴുത്തിനാൽ വരക്കപ്പെട്ട ആ ചിരി വിലപ്പെട്ടതാണ്. ഇപ്പോഴും എപ്പോഴും ചോദിക്കും: "നീ എന്തെങ്കിലും എഴുതിയിട്ടുണ്ടോ, വായിക്ക്, കേൾക്കട്ടെ ഞാൻ" , ചിലപ്പോഴത് പരിഭവമാകും: "എന്താ എഴുതീട്ട് പറയാതിരുന്നെ". ഒക്കെ കണ്ണീരിന്റെ നിഴലുള്ള ചിരികളാണ്, ചോദ്യങ്ങളാണ്, എനിക്കറിയാം. #അമ്മ #smile #life #malayalam #പുഞ്ചിരി #ജീവിതം #മലയാളം #yqmalayali
