ब्वे की खुद खैरी मा पलस्त हथ खुटी,सुरक बौड़ी की घौर ए जाणा छि -2 घौर मा आंदा ही यो आँखी, हे ब्वे बस त्वेथै ही खोज्याणा छि -2 सुबेर बटी व्यखुनी दां तक, त सब भलु च लगदू पर रुमक दां तेरी खुद,जिकुड़ा मा बौडीकी ए जांदी कखि बि आज ब्याली मेरु ज्यूँ नि लगदू तेरी खुद हे ब्वे मि थै ,यखुला मा छक्वे की रुवै जांदी तेरी खुद मा यनु लगदू ,आज ब्याली यो दिन बि ग्वे लगाणा छि घौर मा आंदा ही यो आँखी, हे ब्वे बस त्वेथै ही खोज्याणा छि कुजणी किलै निन्द मेरी आज ब्याली ,सिंक्वलि बिजी जाणी च-2 मेरी ब्वे घारमा नीच या बात सैत या निन्द बि जाणदी च, यो थकुला गिलास अर सबि भाँडा ,चुप निन्द मा सियाँ राणा छि घौर मा आंदा ही यो आँखी, हे ब्वे बस त्वेथै ही खोज्याणा छि ©Saurabh Raj Sauri ब्वे की खुद💛♥️
