संयम पाहिजे.. इथं सुखाच्या फुलासाठी संयम पाळला पाहिजे.. अन् अंधारातल्या काट्यांचा आज अर्थ कळला पाहिजे.. मनाची दोरी ओढत जगण्यातही त्याग पाहिजे.. उशिराने का होईना आलेली जाग पाहिजे.. ऊन पडूनच सावली येते थोडं तरी सोसलं पाहिजे.. रोजच्या मौज मस्तीवर कधीतरी रुसलं पाहिजे.. आज दुःखाच्या अंधारातही आपण तगलं पाहिजे.. अन् उद्याच्या सूर्यासाठी आनंदाने जगलं पाहिजे.. नियम अन् संयमाचं गणित कळलं पाहिजे. त्या निष्पाप झाडाशी जगणं जुळलं पाहिजे.. copyright के. गणेश ९०२८११०५०९ संयम पाहिजे
