Story in caption 👇👇 HELP..... Ek din activa pe friend k ghar ja rahi thi.Traffic thi n muze etani jaldi nahi thi so main rd chhod k andar k raste se nikal gayi thi. Kuch zopadiya thi bich raste pe.chotasa rasta tha so traffic nahi thi vaha. kuch aage ka plan bhi chal raha tha dimaag me. Achanak ek ladaka, kuch 14,15 saal ka, awaj dene laga "didi, didi 2 minit ruko please didi.". Aajubaju zopadiya thi so darr laga, speed thodasa tej kiya lekin thoda dur gayi to man me aaya kya hoga, dara hua lag raha tha bechara. Activa slow ho gayi. confusion tha thodasa. Tab tak dekha vo bhag k pass aaya tha, rone sa ho gaya tha. Keh raha tha "didi please chalo, meri didi ki halat bahut kharab hai. Samaz nahi aa raha kya karu, koi hai nahi jo meri madad karega. Please didi." Bahut badi risk thi.. But socha dekhu.Kuch galat laga to fast jaungi activa pe.ham dono gaye piche thodasa to same road pe ek zopadi jaise ghar me vo ruk gaya. Bhagwan ka Shukriya kiya ki kahi anadar nahi jana pada.But pata nahi kab purse se body sprey nikal k hatho me rakkha tha. Andar dekha to ek ladaki, 19,20 saal ki,Ek purani si charpai pe padi thi, dard se karah rahi thi. Chadar thi upar lekin kuch khoon jaisa dikh raha tha. Ab bhagane ka man kiya. Kya majara tha pata nahi, lekin dusara man nahi mana. Socha puch to lu kya baat hai. Vo ladaka mano ro hi raha tha. Fir batane laga ki "ye bahan hai meri, esake aadami ka aur esaka zagada hota rahata hai hamesha. Maarpit bhi karata hai. Mai ek garaj me kam karata hu chota mota. Ma baap nahi hai.Mai abhi gaon se yaha aaya hu 1 mahina pahale. Khana khane ghar aaya, dekha to didi niche padi thi. Usake pet me dard hai didi bahut. Aaspass sab kam pe gaye hai. Ab ese kaha aur kaise le jau samaz nahi aa raha hath jodata hu meri madad karo." Us ladaki ko kuch puchane ki koshish ki lekin vo baat nahi kar pa rahi thi. Bas itana samaz aaya k pet me dard tha. Kuch alag hi baat lag rahi thi. Us ladake ko kaha tum ruko mai Dr. Ko dekhati hu.Bahar nikalne lagi to us bechare ne pav pakade mere. Use samzaya ja nahi rahi hu aati hu.. Aur nikal gayi.. Kuch dur pan shop thi, vaha pata chala kuch distance pe Dr. Hai. Vaha gayi to ek lady Dr. thi. Usase baat ki. Aur request kar leke gayi. Dr. ne vo ladaki ko dekhane ko chadar nikali. Ufff.. Us ladaki ki salwaar aur kameez ki niche ki side puri khoon se bhig gayi thi. Anadaja aa gaya ki kya hua hoga. Dr. ne bhi vahi bataya. Kaha ese nursing home le jana hoga.Fir jake auto ko le aayi Main rd se, mere aane tak 2,3 aurate vapas aa gayi thi aajibaju ki.pata chala ki us ladaki ka 3rd month chal raha tha. Hey Bhagwaan.... Use auto me rakha, un aurato ne aur usake bhai ne. Vo dono bhi baith gayi auto me. Mere sath vo ladaka kuch durr govt. aspataal tha vaha gaye.Vaha Dr. ne dekha aur kaha ki, "admit karana hoga.Bahut khoon baha hai." Vo ladaki maano aadhi hosh me thi. Baat nahi kar rahi thi, lekin aasu bah rahe the. Maine Dr. k hath soupa use,Nurse ne ek parchi thama di mere hath me, vo dawai li vahi se, Aur us ladake ke hath me di. Usase baat kar ke nikal gayi vaha se. Aage ka samaz gayi thi, bin bataye kisi ne.Kaise koi aise apani preganant wife ko maar sakata hai. Kaise koi apane hi wife ki kokh ujad sakata hai....
