निरोप... तुज निरोप देण्यासाठी, किनार्यावर आलो मी.. तुला निरोप दिला, पण किनार्याचाच झालो मी... किनार्याशी बोलत बसलो, मिटलेल मन खोलत बसलो.. अरे.. निरोप देताना तुटलो होतो, पण मी मुद्दामच हसलो... माझा जीव तुझ्या ताब्यात दिलाय, त्याला सकुशल परत आण.. ती म्हणजे माझं सर्वस्व आहे, एवढ एक सत्य तू जाण... किती प्रवासी या मातीतून गेले, किती तिकडेच हरवून बसले.. ज्यांनी कुणी निरोप दिला, ते किती लोक आजवर फसले.. पण मी हा किनारा सोडणार नाही, इथून पाय काढणार नाही.. माझे डोळे सताड उघडे ठेवीन, पापण्यांची चादर ओढणार नाही... माझा प्रवासी मला परत आणून दे, मी तुला माझा सखा म्हणेन.. तुझी खूप गीते लिहीन मी, माझ्या श्वासांतून तुला गुणगुणेन.. Vishaal/Aadinaath 2-07-21 . ©Vishal Chavan #निरोप
