White વાત કરવી છે. ગાલગાગા ગાલગાગા ગાલગાગા ગા ફેલતી મોઘમ હવાની વાત કરવી છે. સત્યથી ભિન્ન અફવાની વાત કરવી છે. ડૂબકી દઇ, કોટિ પવિત્ર થ્યા હશે! છો; અમૃત માટે મૃત થવાની વાત કરવી છે. પાપ ધોવા છે, પુણ્ય કર્યા વિના હા; દર્દથી ઘાતક, દવાની વાત કરવી છે. ઘેટિયો પ્રવાહ જાણે ધરમનો મર્મ શું? અંધ પાછળ ચાલવાની વાત કરવી છે. ક્યાં સુધી આવા અનર્થો વેઠશો "પ્રિયે" સમયસર જાગી જવાની વાત કરવી છે. મોતને રાખી નજરમાં, પ્રેમ બાટો બસ; મારે તો મજહબ નવાની વાત કરવી છે. 202502012109 ©प्रकाश " प्रिये" #GoodMorning #ગુજરાતી #ગઝલ #ગુજરાતી_સાહિત્ય #કુંભ
