तू बदललीस.... सुकलेल्या जखमेचा भाळावरचा तो व्रण आ

तू बदललीस.... सुकलेल्या जखमेचा भाळावरचा तो व्रण आजही मिरावतोय मी किती काळ लोटला ना..?? जखम भळभळती होती तेव्हा अन् आजही मी तोच होतो पण तू बदललीस.... नखशिखांत बहरलेलं तारुण्य काळजाचा ठाव घेत तुझं जीवघेणं हसणं घायाळंच होत होतो तेव्हा अन् आजही मी तोच होतो पण तू बदललीस.... चांदण्यांचा ओरखडा पडावा असं चंद्रकोरीसारखं तुझं अद्भुत लावण्य नक्षत्रांच्या त्या चंद्रमौळी पारव्यात बांधून ठेवलंय तसंच त्या क्षणापासून तेव्हा अन् आजही मी तोच होतो पण तू बदललीस.... भानावर आलेलं काळीज धडधडत होतं पण जाग आल्यावर कळलं ते स्वप्नंच होतं तेव्हा अन् आजसारखंच तुझं अस्तित्व जुनंच सोनसळी पर्णासम मी जपत होतो जे माझ्या मनात खोलवर रूतलेलं होतं पण तू बदललीस.... ©शब्दवेडा किशोर #अस्तित्वाच्या_पाऊलखुणा