Yeh Gham Kya Dil Ki Aadat Hai! Nahin To Kisi Sey Kuch Shikaayat Hai! Nahin To Hai Woh Ek Khwaab-E-Be-Taabeer Bhula Dene Ki Neeyat Hai! Nahin To Kisi Ke Bin, Kisi Ki Yaad Ke Bin Jiye Jaane Ki Himmat Hai! Nahin To Kisi Soorat Bhi Dil Lagta Nahin! Haan To Kuch Din Se Yeh Haalat Hai! Nahin To Tujhe Jisne Kahin Ka Bhi Na Rakhkha Woh Ek Zaati Si Wehshat Hai! Nahin To Tere Is Haal Par Hai Sab Ko Hairat Tujhe Bhi Is Pe Hairat Hai! Nahin To Hum-Aahangi Nahin Dunia Se Teri Tujhe Is Par Nadaamat Hai! Nahin To Hua Jo Kuch Yehi Maqsoom Tha Kya! Yehi Saari Hikaayat Hai! Nahin To Azeeyat-Naak Ummeedon Sey Tujh Ko Aman Paaney Ki Hasrat Hai! Nahin To Tu Rehta Hai Khayaal-O-Khwaab Mein Gum To Is Ki Wajha Fursat Hai! Nahin To Wahaan Waalon Sey Hai Itni Muhabbat Yahaan Waalon Se Nafrat Hai! Nahin To Sabab Jo Is Judaai Ka Bana Hai Wo Mujh Se Khoobsoorat Hai! Nahin To -Jaun Elia
