എഴുതുവാൻ കഴിയുന്നത് ഭാഗ്യമാണ്. ചിന്തകളും ഉൾക്കാഴ്ചയും ആശയങ്ങളുമൊക്കെ ഈ ചുറ്റുപാടും, ജീവിത സാഹചര്യങ്ങളും, ചുറ്റുമുള്ളവരും, ജീവിതം തന്നെയും നൽകുന്ന സമ്മാനങ്ങളാണ്. ശൂന്യതയിൽ നിന്നുള്ള എന്തോ ഒന്നല്ല സൃഷ്ടി. നമ്മുടെ സങ്കൽപ്പങ്ങളും യാഥാർഥ്യങ്ങളും കൊരുത്തിണക്കുന്ന ഒരു കലയാണ്. കാര്യങ്ങൾ പ്രത്യേക രീതിയിൽ പറഞ്ഞു വെയ്ക്കാൻ ഉള്ള കഴിവ് അല്ലെങ്കിൽ സ്വാഭാവികമായി അങ്ങനെ ഒരു പ്രവണത ചിലർക്കുണ്ട്. ഒന്നോർക്കുക. ഓരോ നിമിഷവും പുതിയ ചിന്തകളും ആശയങ്ങളും രചനകളും പുതിയ തൂലികകളിലൂടെ വിരൽത്തുമ്പുകളിലൂടെ പിറവി കൊള്ളുന്നുണ്ട്. നാമാവട്ടെ നിശ്ചിതമായ നമ്മുടെ കാലഘട്ടത്തിലെ പരിമിതികളിൽ നിന്നു കൊണ്ട് നമ്മുടെ മനസ്സും അനുഭവങ്ങളും പ്രതിഫലിപ്പിക്കുക അല്ലെങ്കിൽ പകർന്നു നൽകുക എന്ന ഉത്തരവാദിത്വം നിറവേറ്റുകയും. അതിൽ സന്തോഷിക്കുക, ഒപ്പം ഒരാളുടെ മാത്രം പ്രയത്നമല്ലെന്ന് തിരിച്ചറിയുക. നാം ഒരു പ്രക്രിയയുടെ ഭാഗമാണ്. സമയബന്ധിതമല്ലാത്ത, അനന്തമായ, നിമിഷം പ്രതി വികാസം പ്രാപിച്ചു കൊണ്ടിരിക്കുന്ന സാഹിത്യ പ്രപഞ്ചത്തിന്റെ വളർച്ചയുടെ കണ്ണികളാണ് നമ്മൾ. ഭാഷകൾക്കതീതമായി ആശയങ്ങളിലൂന്നി പരസ്പര ബന്ധിതമായ കണ്ണികൾ. #എഴുത്തിനെ_ഉറ്റു_നോക്കുന്നവർക്ക്_പ്രചോദനമാകാൻ_ചില_ചിന്തകൾ【ഭാഗം 9】#എഴുത്തിന്റെ_ഉറവിടങ്ങൾ #എഴുത്ത് #yqquotes #yqmalayalam #yqliterature #വരികൾവീണവഴികൾ
