aziiz itnā hī rakkho ki jī sambhal jaa.e ab is qadar bhī na chāho ki dam nikal jaa.e mile haiñ yuuñ to bahut aao ab mileñ yuuñ bhī ki ruuh garmi-e-anfās se pighal jaa.e mohabbatoñ meñ ajab hai diloñ ko dhaḌkā sā ki jaane kaun kahāñ rāsta badal jaa.e zahe vo dil jo tamannā-e-tāza-tar meñ rahe ḳhoshā vo umr jo ḳhvāboñ hī meñ bahal jaa.e maiñ vo charāġh sar-e-rahguzār-e-duniyā huuñ jo apnī zaat kī tanhā.iyoñ meñ jal jaa.e har ek lahza yahī aarzū yahī hasrat jo aag dil meñ hai vo sher meñ bhī Dhal jaa.e ©Mohd Arsh malik poet ubaidullah aleem #Rose