।।। ଭିନ୍ନ ଏକ ମହାଭାରତ ।।। ସମାଜର ରକ୍ଷାକର୍ତ୍ତା ସାଜିଥିବା ମଣିଷ ହିଁ, ଆଜି ସାଜିଛନ୍ତି ନାରୀ ମାଂସଲୋଭୀ ଭକ୍ଷକ। ଦୃଷ୍ଟିରେ ତାଙ୍କର ଶହ ଶହ ଜନନୀ, ଜାୟା ଓ ଭଗିନୀ ର ଦେହ ହୋଇଯାଉଛି କ୍ଷତାକ୍ତ । କାଳେ, ତାଙ୍କ ପୁରୁଷତ୍ବ କୁ ପ୍ରମାଣିତ କରୁଛି, ପ୍ରତି କ୍ଷଣ ଲୁଣ୍ଠନ ହେଉଥିବା ନାରୀ ର ଲଜ୍ଜା । ଛାତି ତାଙ୍କର କାଳେ ଗର୍ବରେ ଫୁଲି ଉଠେ, ଶୁଭେ ଯେବେ ଲକ୍ଷ ଲକ୍ଷ ଦ୍ରୌପଦିଙ୍କର ଚିରହରଣ ବେଳର ଚିତ୍କାର । ଧିକ୍ ସେ ପୁରୁଷପଣିଆ, କରିପାରେ ନାହିଁ ଯେ ନିଜର ଇନ୍ଦ୍ରିୟକୁ ସଂଜତ, ଆଣିପାରେ ନାହିଁ ଯେ ନିଜର ଭାବନାରେ ପବିତ୍ରତା, ସେ କ'ଣ ଆଣିପାରେ ସମାଜରେ ବିପ୍ଳବ । ଆଜି ଜାଗ୍ରତ ହେବାକୁ ପଡିବ ନାରୀ ଜାତିକୁ, ଆଣିବାକୁ ହେବ କ୍ରାନ୍ତି ଏ ଧରାରେ । ଆଉ ଲୁହ ଝରିବ ନାହିଁ ଦୁଇ ଆଖିରୁ , ବର୍ଷିବ ଆତ୍ମସମ୍ମାନ ର ଅଗ୍ନି । ଆଉ ଅବଶ ହେବ ନାହିଁ, ନାରୀ ର ଦେହ ଓ ମନ , ସାଜିବ ସେ ବ୍ରହ୍ମାସ୍ତ୍ର ପ୍ରତ୍ୟୁତ୍ତର ଦେବାକୁ । ତାର ଦୁର୍ବଳତା ସାଜିବ ଆଜି ତାକତ୍, ଯନ୍ତ୍ରଣାର ସ୍ୱର ସାଜିବ ବିଜୟର ଶଙ୍ଖନାଦ । ସର୍ବଦା ଅନ୍ନପୂର୍ଣା, ସରସ୍ବତୀ ଓ ଶିବପ୍ରିୟା ସାଜିଥିବା ନାରୀକୁ, ଆଜି ସାଜିବାକୁ ହେବ ଦୁର୍ଗତି ନାଶିନୀ । ଅଙ୍ଗୀକାର କରିବାକୁ ହେବ ଭଦ୍ରକାଳୀ ବେଶ, ଆଉ ଲଢିବାକୁ ହେବ ଭିନ୍ନ ଏକ ମହାଭାରତ ଯୁଦ୍ଧ । ତେବେ ଯାଇ ଲୋପ୍ ପାଇବ ପୁରୁଷ ର ପଶୁତ୍ବ, ଆଉ ସ୍ଥାପନା ହେବ ଆଉ ଥରେ ରାମରାଜ୍ୟର । ।।। ଭିନ୍ନ ଏକ ମହାଭାରତ ।।। ସମାଜର ରକ୍ଷାକର୍ତ୍ତା ସାଜିଥିବା ମଣିଷ ହିଁ, ଆଜି ସାଜିଛନ୍ତି ନାରୀ ମାଂସଲୋଭୀ ଭକ୍ଷକ। ଦୃଷ୍ଟିରେ ତାଙ୍କର ଶହ ଶହ ଜନନୀ, ଜାୟା ଓ ଭଗିନୀ ର ଦେହ ହୋଇଯାଉଛି କ୍ଷତାକ୍ତ । କାଳେ, ତାଙ୍କ ପୁରୁଷତ୍ବ କୁ ପ୍ରମାଣିତ କରୁଛି,
