ఆరిపోతుందనుకుంటే చెలరేగుతు మనసుమంట మానిపోతుందనుకుంటే మరింత ముదురుతు కన్నీరుకంట చీకటి నీడన రాతిరి దెప్పే ప్రశ్నలకు బదులెవరిద్దురు పగటి గూటిన వెలుగు చూపే వెలితిని వేలెత్తేదెవ్వరు గాఢనిద్దుర గోడల నడుమ గొడుగక్కని వస్తూల నడుమ అస్పష్టముగ అగమ్యగోచరముగ జీవిత ముక్కలు అతికించు సత్తువను మనసుమంట మింగేస్తుంటే బతికించు వరమును కాయం కాలదన్నుకుంటుంటే బిక్కుమని బిత్తరచూపులు అవ్యక్త స్థితిన అలసిన పెదాలు... మనసుకు ఊపిరికేంటో ఇంత సంబంధం బావుంటే ఊపిరెక్కువై ఉక్కిరిబిక్కిరైనట్టు కాస్త చెదిరితే ఊపిరాడక తల్లడిల్లినట్టు చిత్రమాడుతుంటే... తపిస్తూనో విలపిస్తూనో ముడేసిన పెదాల ముడిప్పక మనసే కలం పట్టి రాస్తూన్న ఈ క్షణానికి సరియగు మాటలేవి... తూగగల ఉపమేయ,ఉపమానాలేవి తడిసిన అక్షరాలు తప్ప వణికిన కాగితవాసాలు తప్ప.. #మనసుమంట #మనసు #కన్నీరు #తెలుగు #yqkavi #telugu #teluguvelugu
