वाचन... ====================== ज्ञान मिळे मज l पुस्तक वाचून l अंतरी ठेऊन l शब्दकोश ll नवनवे शब्द l देती गाठभेट l आनंदाचा थाट l मनी माझ्या ll वाचावे पुस्तक l घेऊ थोडं ज्ञान ll व्हावे तृप्त मन l वाचताना ll शब्दांची शिदोरी l ठेवावी सोबत l अर्थपूर्ण मुखात l शब्द यावे ll बिनवितो तुम्हा l वाचन करावे l प्रसन्न रहावे l ज्ञान घेता ll सरस्वती माता l दिसे नयनात l पुस्तक हातात l सदा घेता ll नका करू कोणी l उगाची आळस l करावा अभ्यास l अवि म्हणे ll ====================== @अविनाश लाड,राजापूर-हसोळ ©Avinash Lad वाचन..
