మట్టి ఇంత అంటొద్దని రాతిబాట నడిచినావు చెట్టు నీడ ఇంత కూడ లేక ఎండ నిలిచినావు చినుకు పంట తడపాలని ఆకాశం చూసినావు వాన తెచ్చు చెట్టు ఒకటి పెంచాలని మరిచినావు ఐసీయూ గాలిపీల్చి వేలు వేలు కట్టినావు పైసడగక గాలినిచ్చు చెట్టులన్ని నరికినావు మానవుడా నీస్వార్థం గగనానికి ఎగిరె చూడు మనసు లేక మాను కూల్చి మనుగడనే తొలిచినావు కాళేశ్వర జలములతో కల్వకుంట్ల నిండె చూడు ఆ నీటితొ వసుదమ్మకు హరిత మాల వేయు నీవు వన్నెల్లో 'స్వాతి' చినుకు కురిసి యేరు పారినపుడు జగతి హితము తలచి నీవు మొక్కలెన్నొ పెట్టు నీవు #వన్నెలయ్య_గజల్ 37 #గజల్ #చెట్టు
