।।। ଝଡ ।।। ବାହାରେ ଝଡ, ଆକାଶର ବକ୍ଷ ଭେଦ କରି ବର୍ଷୁଛି ବାରି , ତୁହା କୁ ତୁହା ପବନ, ଆଉ ବିଜୁଳିର ପ୍ରଖରତା, ସତେ ଚିତ୍ରକାର ସାଜି କରୁଛି ଚିତ୍ରୋତ୍ତଳନ । ଘର ଭିତରେ ଦୃଶ୍ଯ କିଛି ଏକା ପ୍ରକାର ଥିଲା, ଭିତରର ମାନବୀୟ ଝଡ, ଅଧିକ୍ରାନ୍ତ କରୁଥିଲା, ପ୍ରକୃତିର ବତାସ କୁ । ଏକଦା ସୁଖୀ ଦାମ୍ପତ୍ୟ ର ସ୍ୱପ୍ନ ଦେଖିଥିବା ଚାରି ଚକ୍ଷୁ, ଆଜି ଚାହୁଁ ନଥିଲେ ପରସ୍ପରକୁ ଦେଖିବାକୁ । ବିଜୁଳି, ଘଡଘଡି ର ଗର୍ଜନ ସାଥେ, ତାଳ ଦେଇ ପ୍ରଚଣ୍ଡ ହୋଇ ଚାଲିଥିଲା, ଦୁହିଁଙ୍କର ସ୍ୱର । ଝଡର ତାଳେ ତାଳେ, ବଢି ଚାଲିଥିଲା ତର୍କ । ପ୍ରେମ ସଂଚାରିତ ଯେଉଁ ପାଦ, ଦିନେ ଲଙ୍ଘି ଆସିଥିଲେ, ଏ ସମାଜର ସବୁ ଝଡ ଝଞ୍ଜା କୁ, ଆଜି ହୋଇ ଯାଇଥିଲେ ଅବଶ, କ୍ଳାନ୍ତ । ଯେଉଁ ବାଟରେ ଯୁଗ୍ମ ପଥିକ ସାଜି କିଛି ଦୂର ଚାଲିଥିଲେ, ସେଇ ବାଟ ହୋଇଯାଇଛି ଆଜି ଦୋଛକି । ସତରେ, କ'ଣ ଏତେ ସହଜ ଏ ସବୁ ! କିଛିଟା ମତଭେଦ ଆଗରେ, ମୁଣ୍ଡ ନୁଆଁଇଥିଲା , ଏକ ପବିତ୍ର ସମ୍ପର୍କ । ଆଜିର ବସ୍ତୁବାଦି ଦୁନିଆରେ, ନିଜର ଓଜନ ହରାଇଥିଲା ପ୍ରେମ । ବାହାରେ ଓ ଭିତରେ ପ୍ରଳୟରେ କିଛି ପ୍ରତିକ୍ରିୟା ନ କରି, ସେଦିନ ଘରର ଚାରି କାନ୍ଥ ହିଁ ସାଜିଥିଲେ, ନୀରବ ପ୍ରତ୍ୟକ୍ଷଦର୍ଶି , ଦୁଇଟି ହୃଦୟର ଏହି ଉଷ୍ଣ ଝଡର । ।।। ଝଡ ।।। ବାହାରେ ଝଡ, ଆକାଶର ବକ୍ଷ ଭେଦ କରି ବର୍ଷୁଛି ବାରି , ତୁହା କୁ ତୁହା ପବନ, ଆଉ ବିଜୁଳିର ପ୍ରଖରତା, ସତେ ଚିତ୍ରକାର ସାଜି କରୁଛି ଚିତ୍ରୋତ୍ତଳନ ।
