*कल्लोळ वेदनांचा* *हुंकार दाटलेला* *उंबऱ्याआड आजही* *टाहो पेटलेला* *जळते किती निखारे* *पदरात बांधलेले* *आभास मुक्ततेचा* *श्रृंखलेत वेढलेले* *घायाळ तनां-मनांला* *लिंपण उरे ना काही* *चूक एवढी विधात्या* *जन्मा घातलीस बाई* *बंदिनी असे युगांची* *भोग बाईपण सरेना* *तुझ्या पुढारलेल्या विचारांचा* *खोटा बुरखाही पुरेना* *लटकल्या पेटवल्या* *खोट्या प्रतिष्ठे नाडल्या* *देह लचके तोडूनी* *किती मातीत गाडल्या* *श्वास उसने अस्तित्वाचे* *उपरे जीणे बांडगुळाचे* *माझी मीच मला पारखी* *बंड शमले चेतनेचे* ©Shankar Kamble #स्त्री #बाई #स्त्रीजीवन #बाईच्या_जातीने #दुःख #जगणे_येथे_महाग_झाले
