ज्ञानाची समाधी । त्रैलोक्यी पावली । धन्य धन्य झाली । लंकापुरी ॥१॥ अलंकापुरी ती । झालिया महान । किती गुणगान । माऊलीचे ॥२॥ भरे कार्तिकीस । वैष्णवांचा मेळा । याची देही डोळा । पहा तुम्ही ॥३॥ टाळ नि मृदंग । कीर्तन गजर । सारे सान थोर । वाळवंटी ॥४॥ गळीयासी वीणा । ध्वजा खांद्यावरी । मुखी नाम हरी । चाले घोष ॥५॥ जो तो दिसतोचि । हरी नामा दंग । गाती ती अभंग । भक्तजन ॥६॥ इंद्रायणी तीरी । चाले हा सोहळा। होवोनिया गोळा । भागवत ॥७॥ देवा वाटे सुख । काय काय वर्णू । जणू स्पर्श स्वर्णू । झाला असे ॥८॥ ©•देवानंद जाधव• धामणी, पुणे. 9892800137 ©Devanand Jadhav #कविता #Thought #thought #shayari #शायरी #poem #Poet #marathi #MarathiKavita #viral
