*"कोटो टोकयो हो ग्यो"* नयापरा सूं अणतपरा ताईं कुन | Hindi कविता

*"कोटो टोकयो हो ग्यो"* नयापरा सूं अणतपरा ताईं कुन्हाड़ी सूं बोरखेड़ा ताईं चौंका चौंक यों हो ग्यो कै कोटो टोकयो हो ग्यो कोटो टोकयो हो ग्यो रै -२ टेसण सूं तो गणेस नगर रंगबाड्याँ की डगर - डगर फ्लाईं ओवर अंडर पास बणरया देैखो घणा जमर जाम सूं मुगत यों हो ग्यो कोटो टोकयो हो ग्यो कै कोटो टोक्यो हो ग्यो रे -२ चम्बल माता गार्डन छै चम्बल रिवर फ्रंट सात अजूबा अेक लारां मं मारै छै करंट घणा दनां मं आबा वाळो जाणे क्हाँ खो ग्यो कोटो टोकयो हो ग्यो कै कोटो टोकयो हो ग्यो रे -२ अभेड़ा मं बायलोजिकल दरा मं न्हार की चल किशोरसागर हरदा मं छै चंबल ब्हरी कळ-कळ हैंगिग ब्रिज सूं भाया हींदा हींद यों हो ग्यो कोटो टोकयो हो ग्यो कै कोटो टोकयो हो ग्यो रे-२ साफ चलकणी सड़का सूं बूर'राट्या का फड़का सूं नंईं - नंईं लाइटा लागी चौराया का खड़का सूं घूम घूम'र नंयो मनख तो चक'रभूळी हो ग्यो कोटो टोकयो हो ग्यो कै कोटो टोकयो हो ग्यो रे -२ कॉलेज- कोचिंग पेपर वाळा मास्टर, डाकटर, बिजनेस वाळा घणा चालर्यां धंधा न्याळा खेलां सूं बॉलीवुड ताईं छारया छै कोटा वाळा दना ईं दन मं "हरप्रीत"स्मार्ट यो हो ग्यो कोटो टोकयो हो ग्यो कै कोटो टोकयो हो ग्यो रे-२ ©Dilip Singh Harpreet #मायड़भासा #दिलीप_सिंह_हरप्रीत #Nojoto #राजस्थानी #SaveRajasthani #राजस्थान #हाड़ौती #कोटा #kota