AAS PASS HONAE SE BAAT HO JAYE ZAROORI TOH NAHI ! Aas pass honae se he baat ho jaye zaroori toh nahi, Mulakaat se he sab theek thak ho jaye zaroori toh nahi ! Auro se baat karke duniya ki bas reet nibhata hu, Dil se unhe shayad kuch nahi maanta bas zuban se khudke honae ka ehsaas karata hu ! Tujhse hamesha se ek dil ka rishta hai, Tujhse banawat kaise karu ye sab aandrooni kissa hai ! Jinhe apna samjhta hu unse banawati ehsaas kar nahi pata, Dil ke ghaav ko chupakar hoton par zhoote alfaaz liye chal nahi pata ! Tum chahte ho ki tumse bhi auro jaise baat karu toh kar loonga, Formality he sahi mulakaat karu toh kar loonga ! Zindagi me bas mutthi bhar logon se he mera vaasta hai, Tera naam bhi inhi logo me vaabasta hai, Teri choti-choti baaton se mere neend-chaain ka gehra rishta hai, Shayad tujhae ilam nahi par tere hone na hone se mujhe bahut fark padta hai ! Door-pass aisa koi aur nahi jiska mai shabdon me zikrr karu, Koi aur tere siwa nahin jiski mai fikrr karu ! Kuch baatein aisi hui ki mai aisa ho gaya, Befazool ki baaton me shayad kahin kho gaya ! Maana aajkal 'tumse itni baat nahi hoti' Kyun nahi hoti ye mai bata chuka hu, Dil ka ek kissa suna chuka hu ! Thoda waqt lagega lekin mai sambhal jaunga, Ummedon ke is bhanwar se shayad ubhar paaunga !
