Jaane kis liye aati ho tum besabab achanak Zehn mai gardish karti ho phir agle ittifaaq tak Yaqiin kamzor nahi halaat sakht ho gaye hain Paasdaar hai "Khuda" ho paida kyun koi shak Zehn,Qalb,Ehsaas sab kuch pashemaan hai Puuchte hain mujh se saare kyun gaye thak Rahen khamoshi se nahi utar.ti kisi ke bhi gale Karen baat t.o kehte hain shuru kar di bak-bak Avval t.o Man-lagan_josh-o-jatan se kaam karte hain Bil-akhir badle mai milta kya hai maa-siva-e-hatak Gairat,Zimmedaari,Farz sab samajhte hain ham Par apne haal ka khulasa karen t.o kehlaata hai natak Dukhon ki dhuul se huliya bigad gaya hai "Aadil" Ra.ngii.n Duniya ke ra.ngo.n se aaye kaise chamak ©Ruuposh Aadil #Darknight #Thoughts shayari on life
