....गझल.... सुकलेल्या पात्यास सांगा पावसाळे सरून गेले कशास झुरणे आता अवेळी बेट ढगांचे दुरून गेले सप्तरंगी इंद्रधनुला नजर लागली कशी कुणाची गंध उडावा जसा अत्तरी रंग जीवनी विरून गेले उमटलेल्या पायखुणांचा मागमूस ना आता उरावा रिती करावी ओंजळ वाटे डोह मनाचे भरून गेले चोरपावली सांज दाटते गडद गहिरी तरुतळी भावनांचे रम्य पिसारे अलवार एकदा फिरून गेले पुसू कुणाला प्रश्न किती ते उत्तरावीन जरी तिष्ठले गूज मनींचे मनांस ठाऊक नजरेने ते कळून गेले आणाभाका मधु प्रीतीच्या वचनांची ती पुन्हा उजळणी शिंपले आता अमृत जरीही कोंब कोवळे मरून गेले ©Shankar Kamble #प्रेमकवि #विरह #गझल #मराठीशायरी #कवी #प्रेम #गझलेची #diary
