Toote patte sukhe phool, patjhar beet gaye kitne Aaye kitne jalti dhup, gulshan rooth gaye kitne Baago ki kaliya murjhayi, khusboo kho gayi wadi me Sukhe patte butte butte, udd gaye sab iss aandhi me Khilne ke aasar nahi kya, sawan beet gaye kitne Jane kaun se badal roothe, rimjhim bhul gaye apni Dharti tapti bhatti jaisi, pyasi hokar shool bani Jaane kab wo ruut ayegi, kali khile aur phool bane Dharti pyasi ambar pyasa, pyasi ye jagg sari hai Pyari pyari kyari me lagne wali chingari hai Paani ki rasdhar dilade maalik nanhe kaliyo ko Patte patte butte butte khil jaye inn galiyo me Fir gul ki kaliya khil jaye, khusboo faile ghar angan me Hausala na kabhi toote, bharlo aashaye tann mann me ©Muntashir Soul Hausala na toote💪 #Rose