Eid to ameero'n ki hoti hai Gareebo'n ka to Eid ke din bhi roza hota hai..... Eid aane ko hai Sabhi ke gharo'n me Eid ki tayyari khoob josh o kharosh se chal rhi hain tayyari ho bhi kyu na ...aakhir hamara sab se bada festival hai... Khushi zaahir karna to laazmi hai Lekin kya sirf naye kapde banane se,ghar me ache ache dishes banane se Eid ki khushi mukammal ho jati hai ? Mere mutaabiq Eid pr ye sab cheezein zaroori hain magar isse bhi zyada zaroori ye bhi hai k hamari koshish ye rahe k jo bhi hamare aas paas k rehne wale log hain un me se jo log Eid ki khushi k mustahiq hain magar unke pass itna paisa nhi k wo bhi Eid mana sakein to unki bhi madad ki jaye...unke ghar Eid ka saman pohchayein, unke bachchon ko naye kapde laa kr de dein.. Zyada nhi to thoda bht to unki madad zaroor karein... Mera yaqeen manein apne liye naye kapde banane me khushi to hoti hai magar jab hum kisi doosre k liye kuch karte hain tab bahut zyada khushi milti hai or dil ko ek sukoon faraham hota hai...
