mujhe udaas kar ga.e ho ḳhush raho mire mizāj par ga.e ho ḳhush raho mire liye na ruk sake to kyā huā jahāñ kahīñ Thahar ga.e ho ḳhush raho ḳhushī huī hai aaj tum ko dekh kar bahut nikhar sañvar ga.e ho ḳhush raho udaas ho kisī kī bevafā.ī par vafā kahīñ to kar ga.e ho ḳhush raho galī meñ aur log bhī the āshnā hameñ salām kar ga.e ho ḳhush raho tumheñ to merī dostī pe naaz thā isī se ab mukar ga.e ho ḳhush raho kisī kī zindagī bano ki bandagī mire liye to mar ga.e ho ḳhush raho ©uvesh qureshi uvesh qureshi
