आठवणीतला पाऊस तू मी नी पाऊस मस्त भिजायचो ना, चिंब चिंब भिजताना मस्त हसायचो ना. !! तो झोंबणारा वारा अंगावरचा शहारा, पावसाचा मारा थेंबांच्या धारा..!! गुंतलेल्या केसातला पावसाचा चाळा, जणू अडकायच्या मोतीयांच्या माळा..!! उडवायचो पाण्याला तुडवायचो चिखलाला, थांबायचो टपरीवर भजी नि चहाला..!! थांबताच पाऊस अल्लड पणा थांबायचा, सभ्यपणाच्या बुरख्याआड तो हळूच लपायचा. !! तुझ्या माझ्या आनंदाला लागली का रे दृष्ट, सोडून गेलास मला न सांगता काही स्पष्ट..!! पाऊस आला की आठवण येते तुझी, साठवण केली होती ना मनात या पावसाची..!! वेगळेच ते रसायन तू ,मी नी पाऊस, भेटू ना एकदा तिघे भागवू ना आपली हौस..!! ©®सौ.सायली सुहास देशपांडे अहमदनगर 📱9420953924
