बाप्पा, बुडलं सगळं घरटं घरट्यातलं सगळं बुडून सडून गेलं घरट्यातलं एक पिल्लु आईच्या कुशीतच मेलं उरल्या पिलांना तरी वाचवना बाप्पा आता तरी तू येणा आईचा अन गाईचा एकच हंबरडा होतोय रे एका बिस्किटापायी बाप माझा गळ्या इतक्या पाण्यात जातोय रे डोक्या इतक्या पाण्यात आता एक थेंब पण आसवांचा बघवेना बाप्पा आता तरी तू येणा. किती जणांचे केले विसर्जन पाण्यात कित्येक जणांना मारलं पाण्याविना पाणी हेच जीवन पाण्यासाठी अन पाण्यामुळे मरण तू थांबवना बाप्पा आता तरी तू येणा सनी भोसले १०/०८/२०१९
