కాపొల్ల గణపతి, మాలొల్ల గణపతి అంటూ ఏ భేదం లేని వాడిలో ఇన్ని బేధాలు నేర్పిస్తుంటే ఆ వీధిలోకి వెళ్ళలేకపోయా.. అదిగో ఆ గణపతి అరవై అడుగులంటూ ఇదిగో ఈ గణపతి ఇరవై అడుగులంటూ ఆద్యంతునిలో ఈ ఎత్తు తక్కువలు అర్థంకాక ఖైరతాబాద్ వైపు చూడలేకపోయా.. సినిమా పాటలు పెట్టి కోటరు మీటరు పెంచి సహస్రాక్షుడిని గుడ్డివాడనుకుంటే, ఆ నవరాత్రులలో పాల్గొనలేక పోయా... 'లోకాస్సమస్తా సుఖినోభవంతు' అని ప్రార్థించిన మహర్షుల బిడ్డలం మనం కాదా? మరి.. ప్లాస్టర్ ఆఫ్ పారిస్ ను ప్రోత్సహించి జీవుల మనుగడను ప్రశ్నార్థకం చేస్తుంటే ఆ నిమజ్జనంలో తడవలేకపోయా.. రంగుల పొంగుల మలిన దేహం ఎన్ని హంగులతో మెరిసినా, ఏనాటికైనా కాల సంద్రంలోనే కలుస్తుందని తెలియజేస్తున్నా తెలుసుకోలేకపోయా.. #వినాయకచవితి #గణపతి #వన్నెలయ్య_వచన_కవిత
