kabhi kabhi lagta hai ki sheher chote hi acche the. Na koi showbaazi Na koi drama Na kisi ko piche karne ki hodh Na kisi se aage nikalne ki jaldi Jo milta ,namaste karta, Puchta ,aur batao beta kaise ho Main muskura kar kehti Main theek hun aunty,aap sunao Wo kone ke mandir me bajti ghanti Aarti ki dhun Aise sukoon deti,jaise maano isse bada nahi hai koi sukh. Wo daadi ka kehna,ki beta Jee lo abi zindagi, Bad me tarsoge in palon ko. Aaj bi gali se nikalta ghanti wala thela Yaad dilata hai Wo garmi ki chuttiyon me bhai behen ke sath khayi kulfiyan. Aaj sardi ki har dhoop Yaad dilati hai Oas se bhare malai makhan ki Har barish yad dilati hai Wo garma garam pakode aur chai. Jahan sham hoti,hum nikal jate Gali mohalle ke bacchon ke sath chupan chupai aur vish amrit khelne. Har march ka mahina yaad dilata hai Exam ke dar me bhi,jee khol kar manayi holi ki. Wo daadi ki gujiya,besan ke laddoo aur mathriyon ki. Har diwali yaad dilati hai, Wo bachpan ke kheel khilone aur mitti ki diyaliyon ki. Har eid pe yaad aati hai,eidgaah ke aage ki bheed aur gale milte bhaiyon ki Kya khushboo hoti thi un sevaiyon ki Kab palak jhapakte hi,hum bade ho gaye!!!! Kab aage badhne ki race me,hum bade sheher aa gaye!!!! Na jaane kahan kho gaya wo apnapan Wo galliyan,wo bachpan. Ab nahi aati galliyon se awaz ,khelte bacchon ki. Kabhi lagta hai ki hum bacche hi acche the Kabhi kabhi lagta hai ki sheher chote hi acche the!!!! Sheher chote hi acche the!!!! #international_womens_day
