ਥੋੜਾ ਚਿਰ ਰੁਕ ਵੱਖਰੀ ਜਿਹੀ ਯਾਦ ਬਣੇਗੀ ਮਰਨ ਜਦ ਪਿੱਛੋਂ ਕੱਠੀ ਸਾਡੀ ਸਮਾਧ ਬਣੇਗੀ ਮਿਸਾਲ ਦਿਆ ਕਰਨਗੇ ਲੋਕ ਸਾਡੀ ਤੂੰ ਦੇਖੀ ਸਾਡੀ ਮਹੁੱਬਤ ਦੀ ਐਸੀ ਬੁਨਿਆਦ ਬਣੇਗੀ ਆਜ਼ਾਦ ਮਿਲਣੀਆਂ ਨੇ ਉੱਥੇ ਰੂਹਾਂ ਹੀ ਰੂਹਾਂ ਜਦੋਂ ਜਿਸਮੋਂ ਰੂਹ ਸਾਡੀ ਵੀ ਆਜ਼ਾਦ ਬਣੇਗੀ ਕੀ ਹੋਇਆ ਜੇ ਉੱਜੜੀ ਇਹ ਦੁਨੀਆ ਸਾਡੀ ਪਰਲੀ ਦੁਨੀਆ ਤਾਂ ਸਾਡੀ ਆਬਾਦ ਬਣੇਗੀ ਇਹ ਜੋ ਬੇ ਹਯਾ ਸਮਝਦੇ ਨੇ ਰੂਹਾਨੀਅਤ ਨੂੰ ਇਹ ਹੋ ਬੇ ਹਯਾ ਪਾਕੀਜ਼ਾ ਸਾਡੇ ਬਾਦ ਬਣੇਗੀ ਅਕਲਾਂ ਵਾਲਿਆਂ ਤੋਂ ਦੂਰ ਨੇ ਚੱਜ ਮਹੁੱਬਤ ਦੇ ਇਹ ਮੁਕੰਮਲ ਸਾਨੂੰ ਕਰਕੇ ਬਰਬਾਦ ਬਣੇਗੀ ਇੱਕ ਦਿਨ ਪਛਤਾਉਣਗੇ ਇਸ਼ਕ ਵਿਰੋਧੀ ਨੀ ਜਦੋਂ ਬਦਦੁਆ ਉਹਨਾਂ ਦੀ ਫਰਿਆਦ ਬਣੇਗੀ ਜਦੋਂ ਜੁੜ ਜਾਵਣਗੀਆਂ ਤਾਰਾਂ ਧੁਰ ਦਰਗਾਹੀ ਇਹ ਸ਼ੋਰ ਦੀ ਸਤਿਥੀ ਅਨਹੱਦ ਨਾਦ ਬਣੇਗੀ ਪਰ ਫਾਨੀ ਦੁਨੀਆ ਤੇ ਯਕੀਨ ਨਾ ਕਰੀਂ ਯਾਰ ਚੋਰ ਫੇਰ ਸਾਧ ਫੇਰ ਚੋਰ ਤੇ ਫੇਰ ਸਾਧ ਬਣੇਗੀ 'ਨਰੇਸ਼ ਨਿਮਾਣੇ' ਪਰ ਤੇ ਸਾਨੂੰ ਇਲਮ ਨਹੀਂ ਸੀ ਦੁਨੀਆ ਕਸਾਈ ਬਣੇਗੀ ਫੇਰ ਜੱਲਾਦ ਬਣੇਗੀ