license banane gaye to rishwat mangi, naukri dhundne chale to kismat mangi, yha thelo pe sabjiya bhi ab sirf peso pe nahi milti, daam btakar sabjiwale ne meri himmat mangi.. jinki aankh khulti ho juice se wo rajneta kya samjhe aam aadmi ki vyatha, yha taakte taakte ghanto gujar jaate hai,par sukha hi reh jaata hai pani ka nalka, jindgi ki bhaag daud me yeh udhde raste aur jindgi ka jokhim daal dete hai, hum to mar bhi jaye chain se par insurance wale filo me din pe din daal dete hai, kisi ki jindgi ki keemat bhi khaa jate hai yeh dalal, na jinda reh kar kuch milta hai aur mar kar bhi vahi haal, fir duvidha me aa jaata hai man ki maut ko gale lgaye ya thaam le jindgi, aap hi btaiye neta g kesa jiye aur kese mare ab aam aadmi,.. itna to tajurba hai mujhe,ki jhuth fareb ki paribhasha hai rajneeti, par umeed aur sapno ki dunia me fir bhool jaate hai aapbeeti, fir utha ke ungli shaan se,ek umeed liye badlaav ki vote de aate hai vote bhutho me, aur jo neta ghamche me dikha karte the jitkar chunaav wo ghamche parivartit ho jate hai lakho ke suto me, fir is santosh me jee lete hai ki chaar ki jgah do roti bhi kha lenge, paneer na sahi,gobhi aalu se hi kaam chala lenge.. meri shuruwat ki kuch poems,7-8 saal purani hai #yqbaba #olddiary #shayari #oldpoem #hindi #yqdidi #politics #election
