उंच उंच झोका.... -------------------------------------- उंच उंच उडे झोका मन आनंदी आनंद, झाडवेली रानोमाळ मनी लावतात छंद...! झुळुझुळ लागे वारा माझा उंच उंच झुला, केस मोकळे सोडून जीव जीव सुखावला...! ओढ नवी गुंतलेली झोक दूर दूर जावी, हासवते गाली खळी मनी सुखाची पालवी...! दिसे मोकळे आभाळ निळ्या रंगाची चादर, उंच मारते भरारी झोका घेउनी माघार...! मन गुंतले झुल्यात गीत सुरेल गाऊनी, झोक खेळते सुरात ढग पाहुनी गगनी...! सावरूनी घे ग तुझी अंग झाकून ओढणी, देह मोत्याहून भारी डाग लावू नये कोणी...! -------------------------------------------- श्री.अविनाश लाड,राजापूर-हसोळ उंच माझा झोका..