।।। ତୁମ ପାଇଁ ଚିଠି ।।। ପ୍ରିୟତମ ମୋର, ଗ୍ରହଣ କରିବ ପ୍ରେମ ଅପାର । କହିଥିଲ ତୁମେ ଫଗୁଣେ ଆସିବ, ମୋ ସାଥିରେ ତୁମେ ଫଗୁ ଖେଳିବ । ଫଗୁଣରେ କାହିଁ ଆସିଲ ନାହିଁ, ଶ୍ରାବଣ ଆସିଲାଣି ଦେଖ ନିଦାଘ ଯାଇ । କଥା ଦେଇ କଥା ରଖିଲ ନାହିଁ, କାଟୁଛି ମୁଁ ଦିନ, ତୁମ ବାଟ ଚାହିଁ । କେଉଁ ଦୂର ଦେଶେ ରହିଲ ଯାଇ, ଦେଖିବାକୁ ଚାହିଁ ମଧ୍ୟ ଆଖି ପାଏ ନାହିଁ । ମୋ କଥା କି ସତେ ଭୁଲି ଗଲଣି, ଡର ଲାଗେ, କାଳେ ଅଧା ରହିଯିବ ଆମ କାହାଣୀ । ସଭିଏଁ ଝୁରନ୍ତି ଏଠି ତୁମକୁ, ସେଇ ନଈ କୂଳ, ଆମ୍ବ ତୋଟା ମାଳ, ଗାଆଁ ମୁଣ୍ଡ ବରଗଛ ବି ଯେମିତି ଖୋଜେ ତୁମକୁ । ଆସିବ ଏଥର ନିଶ୍ଚେ ରହିଲା ରାଣ, ଜଗିଥିବି ତୁମ ବାଟ ମୁଁ ରାତି ଦିନ । ମନ ମୋ କହୁଛି ଭଲ ରେ ଥିବ, ଚିଠି ପାଇ ତାର ଉତ୍ତର ଦେବ । ଇତି, ତୁମର, ମୁଁ । #ପ୍ରେମ #ଚିଠି #YQdidi #yourquote #YQBhaina #YQOdia #MunOdia #YoPoWriMo #Poem #poetry #BoostThyself #odia #yqbaba #letter
