dil ko bhī ġham kā salīqa na thā pahle pahle us ko bhī bhūlnā achchhā lagā pahle pahle dil thā shab-zād use kis kī rifāqat miltī ḳhvāb tābīr se chhuptā rahā pahle pahle pahle pahle vahī andāz thā dariyā jaisā paas aa aa ke palaTtā rahā pahle pahle aañkh ā.inoñ kī hairat nahīñ jaatī ab tak hijr kā ghaao bhī us ne diyā pahle pahle khel karne ko bahut the dil-e-ḳhvāhish-dīda kyuuñ havā dekh jalāyā diyā pahle pahle umr-e-ā.inda ke ḳhvāboñ ko pyāsā rakkhā fāsla paañv pakaḌtā rahā pahle pahle nāḳhun-e-be-ḳhabarī zaḳhm banātā hī rahā kū-e-vahshat meñ to rasta na thā pahle pahle ab to us shaḳhs kā paikar bhī gul-ḳhvāb nahīñ jo kabhī mujh meñ thā mujh jaisā thā pahle pahle ab vo pyāsā hai to har buuñd bhī pūchhe nisbat vo jo dariyāoñ pe hañstā rahā pahle pahle vo mulāqāt kā mausam nahīñ aayā ab ke jo sar-e-ḳhvāb sañvartā rahā pahle pahle ġham kā dariyā mirī āñkhoñ meñ simaT kar pūchhe kaun ro ro ke bichhaḌtā rahā pahle pahle ab jo āñkheñ huiiñ sahrā to khulā har manzar dil bhī vahshat ko tarastā rahā pahle pahle maiñ thī dīvār to ab kis kā hai saaya tujh par aisā sahrā-zada chehrā na thā pahle pahle ©Mohd Arsh malik kishwar naheed poet #fullmoon
