बापाच्या उत्तरकार्याला भावाभावात वाद झाला मोठ्यानं काठी घेतली बारक्यांन कुऱ्हाड घेतली हाणामारी सुरू झाली कुणाचं डोकं फुटलं कुणाचं नडगं फुटलं बायकांनी केस ओढली एकमेकींची साडी फाडली म्हातारी उंबऱ्यात बसून सार काही बघत होती ढसाढसा रडत होती म्हातारी रडतच म्हणाली शेताच्या तुकड्यापाई आपापसात भांडू नका भावाभावाच रक्त आसं वैऱ्यासारखं सांडू नका एकदाचं काय ते वाटून घ्यायचं ठरलं म्हातारीच घर पंचांनी भरलं फुटाला फूट कुरीला कुरी सोन,नान,भांडीकुंडी सगळ्याच्या याद्या केल्या घराच्या, शेताच्या उभ्या आडव्या वाटण्या झाल्या म्हातारी बाजूला बसून डोळ्यातील टीप पुसत होती घरादाराची बरबादी तिला डोळ्यासमोर दिसत होती म्हातारीला कुणी बघायचं का तिनं अश्रितासारख जगायचं शेवटी नंबर तिचाच आला थोरला पुढं येऊन बोलला आतापर्यंत मीच साऱ्या घराचा भार पेलला म्हातारीच कायते तुम्हीच बघा माझ्या मागं कसली टीमटीम लावू नगा धाकल्यान भी हात झटकलं म्हातारीच मुटकुळ मधल्या मधीच लटकलं माझी र कशाला अडचन माझ्या जीवनाचं पांग फिटलं तुम्ही सुखी राहा बाबांनो म्हणत म्हातारीने उंब्र्यातच डोळं मिटलं वाटणी #DesertWalk