"Mummi kahaan hai... " Aate hi gharpar puchta hu harbaar "Mummi kahaan hai" Ki lagata hu pukaar Dikhe jo naa woh aaspaas Rehta hai mann bekaraar Bas dekhkar Mummi ko mil jaata hai sukoon Aashirwad se unke, aata hai har kaam mai junoon Khaakar aate hai baaharse hum pizza, burger, aaloo chaat Par mann bhar jaata hai khaake mummi ke haathon ka daal bhaat Nikalte the jab school jaaneko, yaad dilaati bharleneko water bottle aur tiffin.. Aaj bhi jab kaam par nikalta hu, bhulne nahi deti kabhi phone aur rumaal kisi din.. Choone se unke, gharke paudhon mai aati hai phoolon ki bahaar.. Khushnaseeb hu mai, jo har mushkil mai rehta hai aapka aadhaar.. Dekhkar nikalta hu jab aapka chehra, nahi lagta phir kisi kaam se darr.. Hamara chota sa makaan, aapke hone se hi kehlata hai ghar.. Ho naa Mummi mere saath aisa sochu bhi naa kabhi mere yaar.. Chodna nahi kabhi mera haath, kaise kahu, karta hu me aap se kitna pyaar.. Umrabhar chahta hu puchna harbaar.. "Mummi kahaan hai.... " Yahi lagaau mai pukaar... - Vimal... #PoetryOnline
