#लेक माझी भाग्याची.. अशी कशी लेक देवा माझ्या पोटी घेते माझं नावसुद्धा ती इथेच ठेऊन जाते पहिला घास देवा ती जेव्हा माझ्याकडून खाते एक सुंदरसा अनुभव तिथं मला शिकवुन जाते माझाच हात धरुन ती जेव्हा इवलसं ते पहिलं पाऊल टाकते तेव्हा देखील नजर माझी क्षणभर तिच्या आभाळभर पावलांच्या ठशांवर अडखळते माझ्याकडूनच ती जेव्हा पहिलं अक्षर शिकते तेव्हा सुद्धा तीच नव्यानं मज जगाचे जुने ज्ञान नव्यानं देते तिच्यासाठी सुद्धा मीही रात्र रात्र जागतो कुशीत माझ्या झोपण्यासाठी कधीकधी तर ती गाल फुगवुन बसते अशी कशी लेक देवा माझ्या पोटी जन्म घेते....... मी आणलेला सोनसळी फ्रॉक घालून ती आनंदाने घरभर नाचते माझ्या तिच्यासाठी आणलेल्या गोष्टींचं कौतुक जगभर मिरवते असे कसे वेगळे हे तिचे माझे नाते एक दिवस तर अचानक ती मोठी होऊन जाते,"बाबा , तूम्ही दमला का ?" असं हळूच मला विचारते एवढंच नाही तर माझ्यासाठी कपडे चप्पल खाऊ घेऊन येते नव्या जगातील नविन गोष्टी मलाच ती शिकवते एक दिवस माझी हीच एवढुशी परी इतकी मोठी होते की लग्नाच्या मंडपात आपल्या जोडीदारासोब सुखस्वप्नांची ती सप्तपदी घेते तिच्या दूर जाण्याने कातर मी होतो तर हळूच हसून मला ती एक वेळ कुशीत घेऊन बसते कळत नाही मला देवा असे कसे होते कधी जागा बदलून मग ती माझीच आई होते अशी कशी लेक देवा माझ्या पोटी जन्म घेते........ देव म्हणाला ऐक जरा माझं सांगतो तुला मी आयुष्याचं गोड गुपीत तुझं तुझे तिचे नाते विश्वाच्या ह्या साखळीची एक नाजुक साजुक अशी कडी असते तुझ्या दारी फुलण्यासाठी मीच हे रोप तुजला दिलेले असते सावली अन् सुगंधाशी तर तुझेच नाते असते मग सांग बरं वाहत्या प्रवाहाला कुणी मुठीत कधी का धरते ? मार्ग आहे ज्याचा त्याचा त्याला पुढेच असते जायचे तुझ्या अंगणातली धारा ही कुणासाठी तरी नंतर जीवनदात्री होणार असते अन् वाहती राहण्यासाठीच गंगा पुन्हा नव्यानं सागरास मिळते म्हणून एक छानशी गोंडस खरीखुरी परी तुझ्या घरी जन्म घेते @शब्दवेडा किशोर ©शब्दवेडा किशोर #लेक_माझी_भाग्याची
