Reit ki deewar Bewafa kahoon tujhe ya sang dili ka khitaab doon. Ya naa- qaabil-e- aitbaar keh ke bas ik baar nawaaz doon. Tu to mere aziz-o-tar se zyada aziz tha mujhe, Teri mukhlisi ka behadd yakee'n tha mujhe. Phir bata dil azari ka kaise tujhpe ilzaam doon. Wada-e-khalqi sukoon deta hai kya? Etemaad mein izafa-e-junoon deta hai kya? Ab tasadum ye hai ke naam-e-mohabbat pe roun ya anjaam pe hans doon. Belouss mohabbat ke tassawwur-o-khayal pe hans doon. Balafz tere muqammal ghazal thi main, Tere baab-e-ishq ka tarasha kamal thi main. Jaanti hoon mamooli hoon, ab makhsoos nahi main. Meyaar-e-khabton mein hoon, na ab Dana rahi main. Phir kyun tujhpe chahat apni main vaar doon. Majbooriyon ka haath thamey mohabbat chhod di tune. "Talkh halaaton mein hoon uljha"-keh ke raghbat chhod di tune. Ab sochti hoon main bhi kam zarf hone ka tajarba kar hi loon. Hubaab-e-hawas ban dil ko bhar hi loon. Teri talkhiyan tujhe hi lauta ke khaas-o-aam ke darmiyan khada kar hi doon. Ab waadein khalq kar doon, jazbaton ko ghark kar doon.. Khudgharzi ki hadd ban jaoon. Usoolon ko tarq kar doon. Main ho jaoon aseer-e-zabt, Yun tamam nafs-e-jurm se khudko riha kar doon. Malaal-e-dil ko alvida kar doon. ....kyuki main ab reit ki deewar nahi ban sakti; Mujhe toot jaane se khauf aata hai. ©️kayenat kamal. Reit ki deewar. #kayenatdiaries#
