हा ठोकरून गेला, तो वापरून गेला जो भेटला मला तो वांधा करून गेला वेशीवर मनाच्या आले सवाल सारे माझा सवाल माझ्या ओठी विरून गेला माझ्याविना फुलांची दिंडी निघून गेली काटाच प्यार आता जो मोहरून गेला चाहूल ही तुझी की , ही हूल चांदण्याची ? जो चंद्र पाहिला मी तोही दुरून गेला केव्हाच आसवांची गेली पुरून गावे स्वप्नामधेच माझा रस्ता सरून गेला बोलू कुणास देई आकांत हा सुखाचा ? मागेच दुःखितांचा टाहो मरून गेला कानात कोठडीच्या किंचाळला झरोका बाहेर एक कैदी तारा धरून गेला आजन्म ही तुझी मी केल्यावरी प्रतीक्षा माझाच भास माझ्या अंगावरून गेला सुरेश भट - #RaysOfHope #आवडलेलंकाही #सुरेशभट #गझल #gazal
