पांडुरंग.. _________________ बाप सुखाची सावली माय वारा थंडगार उभे आयुष्य राबून मुखी अमृताचा सूर सर घामाची गाळून घाव उरात सोसती माझ्या हास्याचा मलम मन थकता लावती बाप डोंगर कपारी माय नदी अमृताची माझ्या डोळ्यात बघून लावी भविष्याच्या वाती चूल जोशात पेटवी माय मारून फुंकर घरदार सजवते कटी बांधून पदर माय रखुमाई माझी बाप माझा पांडुरंग घरामध्ये ही पंढरी त्यात मीही झालो दंग थोर पुण्याई लाभली भक्त पुंडलिक झालो दास होऊन देवांचे पोटी जन्मा बाळ आलो _________________ विठूपुत्र:अविनाश लाड ©Avinash Lad पांडुरंग.. #Top
