ಜೀವನ್ ಬಿರಿಯಾನಿ ಜೀವನ್ ಬಿರಿಯಾನಿಬರಿ! ಜಾಯ್ತೆ ಜಣ್ ಭರ್ಸತಾತ್!! ಥೊಡೆ, ಲೊಂಗ್, ಏಳೊ, ತಿಕೆಸಾಲ್ ಜಾವ್ನ್ ಯೆತಾತ್... ಪೊಟಾಕ್ ರಿಗನಾ ತರೀ... ಪರ್ಮಳ್ ದಿತಾತ್!! ಆನೀಕ್ ಥೊಡೆ, ಮಾಸಾಂತ್ ಲಿಪ್ಲೆಂಲೆಂ ಹಾಡ್! ಗುಮಾನಾವಿಣೆಂ ಗಿಳ್ಶಿ, ತರ್... ಜಾಯ್ತ್ ಗಜಾಲ್ ಪಾಡ್!.. ನಾಜೂಕ್ ಗಳ್ಯಾಕ್... ಭಿರಾಂಕುಳ್ ಸಂಚಿಕಾರ್!!..... ಲೊಂಗ್, ಏಳೊ, ತಿಕೆಸಾಲಿಬರೀ ದಿಲ್ಯಾರೀ ಪರ್ಮಳ್!!, ವಾ ಹಾಡಾಂಬರಿ ಕೆಲ್ಯಾರೀ ಭಂಗಸ್ತಳ್!! ಹೆಂ ಉರ್ತೆಲೆ ಫಕತ್...ಬೊಶಿಯೆ ದೆಗೆರ್!! ಹೆರ್ ಥೊಡೆ!! ಲೊಸುನ್, ಆಲೆಂ, ತರ್ನಿ ಮಿರ್ಸಾಂಗ್! ಆಫುಟ್ ಗಾಲ್ಯರ್ ತೊಂಡಾಂತ್.. ಬದ್ಲೊನ್ ರಂಗ್, ಶಿರ್ಶಿರ್ತಾ ಆಂಗ್!...... ಬೋವ್ ಥೊಡೆ!! ಮಿಟಾಚಿ ಚಿಮ್ಟಿ!! ದಿಷ್ಟಿಕ್ ನಾಂ ತರೀ... ರೂಚ್ ಸುವಾದ್ ದಿವ್ಪಿ!! ಆಖ್ರೇಕ್..ಥೊಡೆ ತೂಪ್ ಭರ್ಸಿಲ್ಲೆಂ ಶಿತ್!! ಹಳ್ತ್ ಉಕ್ಡೊನ್ ಸಾಂಬಾಳ್ಳ್ಯರ್ ಮೀತ್, ಮೋವ್ ಉಂಡಿ ಹಾತಾಕ್, ನಿಟ್ಟ್ ದೆಂವ್ತಾ ಪೊಟಾಕ್! .... ಜಿವಿತಾಚಿ ಬಿರಿಯಾನಿ ಜೆವ್ತಾನಾ, ಜಾಯ್ತ್ಯೊ ಸಂಗ್ತಿ ಚಾಕ್ತನಾ, ಖಂಚೆಂ ಸೆಂವ್ಚೆಂ ವಾ ಸೊಡ್ಚೆಂ, ಕಿತೆಂ ಚಿಂವ್ಚೆಂ ವಾ ಚಾಬ್ಚೆಂ, ಮ್ಹಣ್ ಸಾಂಗ್ತಲೊ ನಾಂ ಕೋಣ್!! ಹಿ ತುಜಿಚ್ ಉಂಡಿ, ತುಜಿಚ್ ವಿಂಚವ್ಣ್!! ಫ್ರಾಜೆಲೊ. #KonkaniPoetry #konkanipreran #Konkani #konkankalo #kavitakutam #kavithathembo #kavitamattov #mangalorekonkanipoetry #poetrykonkani #KonkaniPoetry