కానల వాసము పంచెను కాలము.!! కానని తాపము నింపెను ప్రేమము.!! ప్రేయసి ఊసులు ఊగగ ఆగక.. జారిన మత్తున ఓడెను శీలము.!! ఊపిరి నాపగ వీడెను ప్రేమిక.. కూర్చిన సౌధము కూలెను ఘోరము.!! ఏ కథ చూడదు శోకము ప్రేమలొ.. మానిని వీడుతు ఒంపెను దుఃఖము.!! వన్నెల రోజును కన్నులు బాసెను.. జన్మల దిప్పుడు మారెను శాపము.!! #వన్నెలయ్య_గజల్ 171 #వన్నెలయ్య_విఫల_ప్రేమ_గజల్ #వన్నెలయ్య_ప్రేమ #భగ్నప్రేమ #గజల్ #తెలుగుగజల్ నేను వ్రాసిన 169 గజల్ లోని రెండవ చరణం లో మొదటి పాదం ఈ గజల్ పుట్టడానికి కారణం. ప్రతీ పాదంలో ప్రతీ గణం ఒక గురువు రెండు లఘువులు (UIl) వేసి వ్రాసిన గజల్ ఇది.. గజల్ లో ఇలాంటి ప్రయోగం ఇదే ప్రథమం.
